أفضل برنامج إدارة عيادات في مصر 2026: مقارنة بالأسعار
في مصر عشرات البرامج لإدارة العيادات، وكل واحد بيقول إنه الأفضل. الصفحة دي بتحط أشهرهم جنب بعض من اللي كل شركة كاتباه على موقعها: السعر، بيتحسب على إيه، واتساب بيعمل إيه فعلاً، وكل واحد يناسب مين.
إحنا دوكسترا، فاقرا الصفحة وانت عارف ده. الأسعار من مواقع الشركات نفسها في أكتوبر 2026، وكل اسم عليه لينك المصدر.
كتبها إسلام نظمي، دوكسترا للعيادات · آخر تحديث
جنب بعض
| البرنامج | السعر المعلن | بيتحسب على إيه | واتساب | المعامل والأشعة | بيشتغل إزاي | التجربة |
|---|---|---|---|---|---|---|
| دوكسترا | 799 / 1,999 / 4,499 / 8,999 ج.م شهرياً | على عدد الدكاترة (1 / 5 / 10 / مفتوح)، وفيها حجوزات شهرية | AI بيرد ويحجز باللهجة المصرية في كل الباقات، على رقم واتساب عيادتك انت | موديول معمل وأشعة، والنتيجة بتوصل للمريض والدكتور المحوِّل | سحابي | أول 30 حجز مجاناً من غير كارت |
| طبّبَ (Tabbaba) | 799 / 1,599 / 3,299 ج.م شهرياً + إعداد 2,500 مرة واحدة | للعيادة، بحد أقصى 1 / 3 / 8 دكاترة، والدكتور الزيادة 249 | بوت حجز بالأزرار في كل الباقات، والرد على الكلام والصوت في الباقتين الأعلى | طلبات ونتايج تحاليل جوّه ملف المريض | سحابي | 14 يوم |
| طبيب هب (TabeebHub) | باقة مجانية، والمدفوع حوالي 399 و 1,099 ج.م | للحساب بحدود مواعيد وموظفين | تذكير بالمواعيد | مش مذكور | سحابي + برنامج ويندوز وماك وموبايل | الباقة المجانية دايمة |
| سمارت كلينك (Smart Clinic) | مش معلن | باقة بتتفصّل مع المبيعات | تذكير وتأكيد ومتابعة، وردود أوتوماتيك على الأسئلة | مش مذكور | سحابي | نسخة تجريبية بالحجز |
| ميدوك (Medoc) | مش معلن | دكتور واحد / عيادات / مؤسسات | مش مذكور، فيه تذكير ومركز اتصال | رفع التحاليل والأشعة كملفات | سحابي + تطبيق للمريض | حساب مجاني، المدة مش مذكورة |
| دفترة (Daftra) | 30 / 55 / 70 دولار شهرياً | للحساب، والمستخدم الزيادة بفلوس | مشاركة المستندات وتنبيهات الحجز | مش موديول طبي متخصص | سحابي، والموبايل بيشتغل من غير نت | 14 يوم |
| إيزي كلينك (Easy Clinic) | مش معلن | رخصة بتدفعها كاش أو تقسيط | مش ضمن المميزات | تقارير التحاليل والأشعة في ملف المريض | برنامج ويندوز على شبكة العيادة | نسخة تجريبية بالطلب |
| كلينك وان (ClinicOne) | من 25 لـ 145 دولار شهرياً | على عدد المستخدمين والفروع، في 3 نسخ | تذكير على واتساب وSMS | مش مذكور | سحابي | 14 يوم |
| كلينت (Clinit) | نص دولار لكل مريض جديد + 20 سنت لكل ميعاد | على الاستخدام | تذكير على واتساب وSMS قبل الميعاد بـ 48 و24 وساعتين | ربط اختياري بأنظمة المعامل والأشعة (HL7) | سحابي + بوابة للمريض | 30 يوم |
| ليتس بوت (LetsBot) | 6.35 دولار للباقة + 54.99 دولار للبوت الذكي شهرياً، غير رسوم رسايل ميتا | باقة على عدد الرسايل + إضافات بتختارها | بوت AI بيرد بلغة المريض، وحجز وتذكير على واتساب | بيبعت نتايج التحاليل على واتساب | منصة واتساب عامة، مش برنامج عيادة | 14 يوم |
| هيوم إيه آي (HumAI) | مش معلن | عرض سعر: إعداد + اشتراك شهري، على حسب الفروع والقنوات والحجم | بيرد على الأسئلة الإدارية ويجمع بيانات الحجز، وموظفينك بيوافقوا على كل حجز في المرحلة الأولى | مش مذكور | خدمة بيبنوها ويشغّلوها جنب نظامك الحالي | مش مذكور |
الأسعار شهرية قبل خصم السنوي زي ما هي معلنة في أكتوبر 2026. طبيب هب بيعرض أسعاره بالدولار وجنبها سعر تقريبي بالجنيه.
مين يناسب عيادتك
دوكسترا
عيادة عايزة الاستقبال يرد على واتساب لوحده، أو عيادة شغالة مع معمل وأشعة. لسه جديد، وأول 25 عيادة بياخدوا سنة بسعر 6 شهور.
طبّبَ (Tabbaba)
عيادة عايزة سعر ثابت للعيادة وشاشة انتظار، ومستعدة تدفع الإعداد.
طبيب هب (TabeebHub)
عيادة صغيرة بتبدأ وعايزة أرخص اختيار، ومش محتاجة رد أوتوماتيك على واتساب.
سمارت كلينك (Smart Clinic)
عيادة عايزة صفحات تخصص كتير وإدخال بالصوت، وماعندهاش مشكلة تكلّم المبيعات علشان السعر.
ميدوك (Medoc)
مراكز عايزة مخزن وحسابات وتطبيق للمرضى.
دفترة (Daftra)
اللي أولويته المحاسبة والفواتير الإلكترونية أكتر من الملف الطبي.
إيزي كلينك (Easy Clinic)
عيادة عايزة برنامج متسطّب عندها ومش عايزة اشتراك شهري.
كلينك وان (ClinicOne)
عيادة أو مركز عايز سعر بالدولار على عدد المستخدمين، ودورة تأمين كاملة.
كلينت (Clinit)
عيادة متعددة التخصصات عايزة ملف طبي مفصّل لكل تخصص، وتدفع على قد استخدامها.
ليتس بوت (LetsBot)
اللي عايز بوت واتساب بس، ومش محتاج ملف طبي أو روشتات.
هيوم إيه آي (HumAI)
عيادة مش عايزة تغيّر نظام الحجز بتاعها، وعايزة حد يبني ويشغّل لها أتمتة واتساب.
5 أسئلة قبل ما تشترك في أي برنامج
- 1
بيتحسب على العيادة ولا على الدكتور؟
السعر على الدكتور بيكبر مع كل دكتور تضيفه. اسأل عن تكلفة الدكتور الزيادة والفرع الزيادة قبل ما تشترك.
- 2
واتساب بيرد فعلاً ولا بيفكّر بس؟
فيه فرق كبير بين رسالة تذكير، وبوت بأزرار، وAI بيفهم "عايز احجز بكرا الصبح" ويحجز. جرّب تبعتله رسالة بالعامية قبل ما تقرر.
- 3
بياناتك تقدر تطلّعها؟
اتأكد كتابةً إنك تقدر تصدّر المرضى والزيارات والروشتات في أي وقت، وبعد الإلغاء كمان.
- 4
جرّبه على الاستقبال نفسه
اللي هيستخدم البرنامج طول اليوم هو موظف الاستقبال. خليه هو اللي يجرّب، مش الدكتور بس.
- 5
فيه رسوم مخفية؟
رسوم إعداد، نقل بيانات، رسايل واتساب، شاشة انتظار. اسأل عن كل واحدة.
دوكسترا مختلف في إيه
- كل الموديولات في كل الباقات؛ الباقات بتفرق في عدد الدكاترة، والحجوزات اللي فوق الباقة بتتحسب بسعر ثابت صغير ومبتقفش.
- الـ AI اللي بيحجز على واتساب باللهجة المصرية والفرانكو موجود في كل الباقات، على رقم واتساب بيزنس بتاع عيادتك انت (API ميتا الرسمي)، ولو عايز رقم لكل فرع ينفع.
- العيادة والمعمل ومركز الأشعة على نظام واحد، والنتيجة بتوصل للدكتور المحوِّل على واتساب مجاناً.
- اللي لسه مش عندنا: نسخة بتشتغل من غير نت، وشاشة انتظار. لو محتاجهم دلوقتي، فيه برامج في القايمة دي عندها ده.
أسئلة شائعة
إيه أفضل برنامج إدارة عيادات في مصر؟
مفيش برنامج واحد أفضل لكل عيادة. لو عايز أرخص بداية، طبيب هب عنده باقة مجانية. لو أولويتك الحسابات، دفترة. لو عايز برنامج متسطّب من غير اشتراك، إيزي كلينك. لو عايز تدفع على قد استخدامك، كلينت. ولو عايز واتساب يرد ويحجز لوحده باللهجة المصرية أو شغال مع معمل وأشعة، دوكسترا معمول لده. ولو عايز بوت واتساب بس من غير برنامج عيادة، فيه ليتس بوت وهيوم إيه آي.
برنامج إدارة العيادات بكام في مصر؟
من الأسعار المعلنة في أكتوبر 2026: طبيب هب من صفر لحوالي 1,099 جنيه، طبّبَ من 799 لـ 3,299 جنيه في الشهر للعيادة، ودوكسترا من 799 لـ 8,999 جنيه في الشهر على حسب عدد الحجوزات، وكلينك وان من 25 لـ 145 دولار في الشهر، وكلينت على الاستخدام (نص دولار لكل مريض جديد و20 سنت لكل ميعاد). سمارت كلينك وميدوك وإيزي كلينك وهيوم إيه آي مش معلنين أسعارهم.
فيه برنامج عيادات بيرد على واتساب لوحده؟
أيوه، كذا واحد بطرق مختلفة. طبّبَ عنده بوت بأزرار في كل الباقات والرد على الكلام في الباقات الأعلى. ليتس بوت منصة واتساب عامة، والبوت الذكي فيها إضافة بفلوس، ومش برنامج عيادة. هيوم إيه آي بيجمع بيانات الحجز وموظفينك بيوافقوا عليه. ودوكسترا بيرد ويحجز ويعدّل ويلغي باللهجة المصرية والفرانكو في كل الباقات. أغلب البرامج التانية، زي كلينك وان وكلينت، بتبعت تذكير بس.
المقارنة دي محايدة؟
إحنا دوكسترا، فإحنا طرف. علشان كده كل معلومة عن البرامج التانية من موقعهم الرسمي وفيها لينك، ومكتوب إمتى راجعناها. لو لقيت معلومة قديمة ابعتلنا ونصلّحها.
